• دُلي

10 أماكن حلوة في جبل اللويبدة

تم التحديث: 7 مايو 2019

جبل اللويبدة من الأماكن المفضلة لإلي في عمان، يمكن لأنه قضيت معظم طفولتي فيها (بيت التيتا كان قريب) وبعد هيك صدفت انه معظم تدريباتي وروحاتي وجياتي فيها. هاي المدونة رح تكون عن ال10 أماكن حلوة في جبل اللويبدة!

*ملاحظة: هذه المدونة مش دعاية لأي مكان لكنها فقط رأي شخصي.

11 مكان حلو في جبل اللويبدة

وهلأ خلينا نبدأ: 10 أماكن حلوة في جبل اللويبدة


1. دارة الفنون

معرض ثقافة وفنون في جبل اللويبدة. يكمن سحر المكان بالمباني التي تعود إلى عشرينات وثلاثينات القرن الماضي بتصميمها العريق والمناظر الخلابة التي تطل عليها. تتكون دارة الفنون من معارض فنية، ومكتبة، وأماكن أثرية، ومقهى، بالإضافة إلى نشاطات مجانية متعددة وورشات عمل كل أسبوع.

بحب أروح على دارة الفنون وقت الغروب وأجلس على الشرفة هناك وأتفرج على الشمس بتغرب على عمان، والبيوت بتضوي الأضواء والشوارع بتصير أهدى وأهدى. منظر خرافي!

11 مكان حلو في جبل اللويبدة

2. دارة الياسمين

دارة الياسمين هو مطعم يقع في فيلا بُنِيَت في 1950. المكان يقدم أكل إيطالي والمنيو يتغير كل شهر، ويقوم بوضعه الشيف الإيطالي هناك. بنصحكم تطلبوا الباستا هناك.. Authentic Italian and SO good

3. أوليفا

أوليفا هو أيضاً مكان يقدم أكل إيطالي في اللويبدة. أوليفا كمان يقدم فطور في عطلة نهاية الأسبوع من الساعة 8-12 ظهراً. فطوره طيب جداً وقعدته cozy وكتير chill. اذا رحتوا عالفطور اطلبوا صحن البيض مع سبانخ.

4. المتحف الوطني الأردني للفنون الجميلة وحديقته

تأسس المتحف الوطني الأردني للفنون الجميلة عام 1980 ودائماً موجود فيه معارض وفعاليات فنية وثقافية مجانية. وتقع بجانيه حديقة المتحف الوطني الأردني للفنون الجميلة، والحديقة كبيرة وهادئة جداً. يقام في الحديقة فعاليات برضوا مثل Art in the Park وهي فعالية احتفال بالفن، وبكون فيها رسم مجاني وألعاب وأكل وعرض رسم لايف وحفلات موسيقية وغيرها من الأشياء الممتعة. أنا شخصيا حضرت الفعالية مرتين وكتير كانت حلوة وبتنفع لكل أفراد العيلة!

5. رومي

رومي هو مقهى مشهور في اللويبدة (ودايماُ معجوق). القهوة عندة وأنواع الشاي المختلفة كتير طيبين عنده بالإضافة للكيكات الموسمية. المكان معجوق إجمالاً في الصبح وبالليل، بس القعدة فيه جوا وبرا حلوة كتير. تصميم المكان لطيف جداً والatmosphere منعش!

6. بيت بلدنا

بحب الفيو في هذا المكان كتير. الكوفي شوب حلو في الصيف لما البلكونة بتكون مفتوحة. المنظر المطل حلو بالصبح وبالليل!

7. مقهى Jungle Fever Coffee and Tea House

يقع Jungle Fever Coffee and Tea House فوق المتحف الوطني الأردني للفنون الجميلة. الشرفة جميلة جداً في الصيف وتطل على حديقة المتحف. أجواء المقهى هادئة بالمقارنة مع مقاهي أخرى في جبل اللويبدة ومناسبة جداً للدراسة والعمل.


8. ديميتريز كوفي – فرع اللويبدة Dimitri’s Coffee

فرع جديد لDimitri’s Coffee فتح مؤخراً في اللويبدة. تصميم المكان لطيف جداً والقهوة محلية وطيبة. يوجد قعدة خارجية (عالشارع) وقعدة داخلية بالإضافة لقعدة أهدى خارجية خلف المحل.

9. المَطَل

منطقة صغيرة مطلة على جبل ومن هون أخذت اسمها: المطل أو The View. كتير مرات بكون فيها فنانين بيرسموا المنظر المُطِل أو ناس عاملين picnic هناك. ممكن تشتروا كاسة قهوة أو شاي وتروحوا تحضروا غروب الشمس هناك أو بس تزوروا الموقع وتاخدوا أكمن صورة!

10. الذواق

مطعم سندويشات عالماشي مفتوح من 1978 (أهلي كانوا يروحوا عليه). المكان المثالي اذا بدك تتمشى باللويبدة وتاخد سندويشة عالسريع للطريق. أنا شخصيا بحب سندويشة السجق والجبنة أو الدجاج المشوي، بنصحكم تجربوهم!



9250 عرض0 تعليق