• دُلي

7 أسباب ليش تحجز في منتجع حياة ريجنسي العقبة في أيلة

قبل فترة صغيرة قعدت بمنتجع حياة ريجنسي العقبة في أيلة لمدة ثلاثة أيام وكان بالزبط الrelaxing weekend اللي كنت بحاجة له. هاي المدونة لكل شخص بده to relax وبده experience خرافية من دون ما يطلع من البلد!


1. سفرة سريعة وبعيدة عن كل أجواء الروتين

أحلى اشي بالإقامة في منتجع حياة الريجنسي العقبة في أيلة انه ممكن تقرر تحجز لرحلة غير عادية بتنقلك لعالم الفخامة والجمال قبل بأكمن ساعة، من دون تحضيرات وتفكير كتير. ما بدك فيزا ولا تخطيط ولا أي اشي.. بس قرر انك بدك تروح والأمور بتكون سالكة!

7 أسباب ليش تحجز في منتجع حياة ريجنسي العقبة في أيلة

2. الموقع

منتجع حياة ريجنسي العقبة موجود في واحة أيلة، وبعيد 5 دقائق بس من وسط مدينة العقبة و10 دقائق من مطار الملك الحسين الدولي. الحلو بمنتجع حياة العقبة إنه منفصل عن المدينة ولكن بنفس الوقت قريب جداً من وسط العقبة، فبإمكانك الانفصال عن العالم الخارجي والراحة والاسترخاء في المنتجع، وبخمس دقائق بس التمتع بكل شيء بتقدمه مدينة العقبة النابضة بالحياة ومناظر البحر الخلابة. الشيء المميز في مشروع واحة أيلة هو تمديدهم لساحل العقبة 17 كيلومتر من خلال بحيرات مائية وشواطئ اصطناعية بين العمارات والبيوت والمنتجع، يعني كل المباني في الواحة يقعوا على بحيرات مائية وكل اشي sea view!

7 أسباب ليش تحجز في منتجع حياة ريجنسي العقبة في أيلة

3. رفاهية خيالية

لما أحكي رفاهية خيالية.. بقصد رفاهية خيييالية!! بتعرفوا انه تم ترشيح منتجع حياة ريجنسي العقبة لجائزة World Luxury Hotel لعام 2019؟ هذه الجائزة جائزة أفخم فندق لعذا العام.

7 أسباب ليش تحجز في منتجع حياة ريجنسي العقبة في أيلة

كل شيء في المنتجع بعكس الرفاهية، من التصميم الخارجي الراقي، للبرك الواسعة، للتصميم الداخلي العصري، والغرف الفخمة، وفيو الغرف المطل على البحر، والأكوا سبا، والحمام التركي، وحصص اليوغا، وغرف المساج، والخدمات الأخرى اللي بقدمها المنتجع. والأهم من هيك، طاقم العمل الموجود لطيف جداً ودائماً مبتسم، ومستعد للمساعدة في أي وقت!

7 أسباب ليش تحجز في منتجع حياة ريجنسي العقبة في أيلة

4. الغرف:

تصميم الغرف مميز لأنها كلها مطلة على البحيرات والبرك وجبال العقبة الخلابة. الغرفة من الداخل فخمة وبتعكس الرفاهية اللي بتسيطر على منتجع حياة ريجنسي العقبة. وكمان في بلكونة جميلة جداً وبتطل على الفيو الخلاب، ومناسبة كتير للتمتع بالفيو وشرب القهوة (أو الشاي مشان ما حدا يزعل) أو قراءة كتاب بروقان!

7 أسباب ليش تحجز في منتجع حياة ريجنسي العقبة في أيلة

الحلو بالمنتجع انه فيه 286 غرفة، وكل الغرف بدون استثناء مطلة على البحيرات المائية في أيلة، فما في داعي تقلقوا لتطلبوا غرفة مطلة عالبحر لأنه كل الغرف Sea View. طبعاً اللي بتابعني على انستغرام بعرف قديش بحب الشبابيك الكبيرة والFrench Windows فبتقدروا تتخيلوا قديش كنت مبسوطة من تصميم الغرف الساحر!


5. الأكل كتير طيب:

في الثلاث أيام اللي قضيتهم في المنتجع، ولا مرة كان الأكل إلا طيب! أنا شخص مش سهل إرضائي في الأكل (مع إنه باكل كل اشي) بس اللي جذبني في الأكل هناك هو التنوع والإتقان والتفنن في أصناف الطعام المقدمة، وكمية المقبلات والأكلات البحرية واللحوم والأكلات الصحية والحلويات.


المطاعم كثيرة في منتجع حياة ريجنسي العقبة، وكل مطعم له اختصاص معين ليلبي جميع الأذواق. هذا الشيء حلو جداً للي ما بحب يطلع من المنتجع طول فترة المبيت، وبصراحة التنوع في مطاعم حياة ريجنسي العقبة يغنيك عن الحاجة للخروج من واحة أيلة لتناول الطعام.


المطاعم المتوفرة في منتجع حياة ريجنسي العقبة:

ذا أوليف تري The Olive Treeوهو المطعم الرئيسي للفندق الذي يقدم بوفيه الإفطار والغذاء والعشاء، بالإضافة إلى Live Cooking Stations يعني الشيف بيطبخ قدامك أكل فريش!


أما إذا كنتوا من عشاق الأكل الإيطالي فمطعمCascade هوthe way to go، المطعم موجود على البركة الرئيسية، وبقدم طعام أيطالي متنوع وطيب، وتصميم المطعم عصري ويوحي لك أنك في عطلة رفاهية ومتعة.

وقت الغروب والمساء يمكنكم to hang out في الفيستا لاونج Vista Lounge and Bar لمشاهدة غروب الشمس وشرب شراب بارد أو ساخن مع التمتع بالموسيقى الحية والأجواء الرايقة!


وأخيراً يمكنكم زيارة ال La Plage Beach Club الموجود على شاطئ المنتجع للتمتع بأكلات متعددة من سلطات لمشاوي دجاج، ولحمة، وسمك، ومأكولات بحرية شهية وحلويات خرافية على ضوء القمر وموقد النار الهادئة Bon Fire Pit.

7 أسباب ليش تحجز في منتجع حياة ريجنسي العقبة في أيلة

6. البحيرة وشاطئ المنتجع:

البحيرة اللي بتحيط الفندق هي بحيره اصطناعية تم تصميمها لمشروع واحة أيلة في العقبة. الرمال بيضاء والمياه صافية جداً تشعرك أنك في أحد شواطئ اليونان. الحلو كمان يبحيرة المنتجع والشاطئ انه فيه ألعاب مائية للصغار والكبار.. للي ما بحب بس يقعد يتشمس وينسلق بعطلته على البحر.


7. المنتجع الصحي: أكوا سبا Aqua Spa

المنتجع الصحي "أكوا سبا" حلو كتير لإنه مبنى كامل كبير فيه كل اشي بساعدك على الاستجمام والاسترخاء، من حمامات تركية لساونا وجاكوزي وغرف مساج وبرك خارجية، وحديقة اليوغا، كل الخدمات المتوفرة بالسبا بتساعدك ترخرخ بعد أسبوع عمل متعب وطويل.

من الآخر، الweekend اللي قضيته في المنتجع كان خرافي وmood changer! إذا حاسس حالك بدك شمة هواء وتغيير جو سريع، بنصحك تحجز في فندق حياة ريجنسي العقبة في آيلة!


اقرأ كمان: 10 أماكن حلوة في جبل اللويبدة




1191 عرض0 تعليق